في شوارع كل مداخلها حزينه

وفي طرايق تفتقد روح الأماكن

..

وفي أراضي باعها راعي السفينه

وفي بحورٍ موجها عالي وباين

..

وفي مدينه ياحلوها من مدينه

فاقت بسحرها كل المداين

..

وفوق قمة جبل وعند ذيك الخيمه

وعلى ترابٍ حلا لونه الداكن

..

وكل طير وكل حلم وكل ديمه

وكل شيٍ جمله رب الأداين

..

يغمرني بشوفها حس السكينه

ويلف بي كل ما كان هاين

..

ظلالك اللي شمسها نارٍ أليمه

وصورتك تمثال كل المزاين

..

وإسمك على جدارٍ تخلّى عن هشيمه

يهد بيتٍ والله ويكّسر مساكن

..

إسمك اللي ماعاد له بينه

وظلك اللي في الأرض خاين

..

ليت يرد الحال وأنا نديمه

وليت أشوف اللي في القلب ماكن

..

ويرجع لي العمر وترجع سنينه

وأحمد الله على أنعام ومحاسن

 ..

وأصّلي على سيّد القوم ونبيه

وأدعي إنّا نجتمع في الجناين

..