ليلة سفر..

تكدرت فيها المدينه..

وكل حيٍ في المدينه..

ليلة سفر، وليلة أحباب، وليلة أشواقٍ مديمه..

وليلة كدر...

قد سافرت من قبل أسفارك سفينه..

وقد سكن هالقلب أحزان..

وقد مشى الخاطر يدوّر عن ضنينه..

ما ارتوى الخاطر، ومات عطشان..

والليلة ليلة سفر... ليلة وداعك يا مطر...

ليلة أحبابك يسألون، متى الرده؟ كمّل شهر

وأنت واقف على الباب... 

في عينك اليمنى إبتسامه..

وفي عينك اليسرى سراب..

مشيتي، وتسكرت كل الأبواب.. 

وطاحت أمطارٍ حزينه..

وطاحت إنوار المدينه..

وطاحوا مثلي أحباب.. 

ليلة سفر...

أتذكر أيام العمر.. وأتذكر اللي ما إنذكر..

وأدعي الله يحفظك، وتعود تحيي هالشجر..

وتعوّد أنوار المدينه..

وأحيى أنا بفرحة خبر..

إنها ليلة سفر، بس ليلة..

وباكر أشوفك مبتسم..

تملي سماي ووحدتي..

بشوفتك عند القمر.. 

يا أحلى رحلة سفر