أكتب لك...

من طريقٍ ما مشابه سوى أحباب

من طريقٍ تختفي فيه الأسباب..

من رصيفٍ تبتدي فيه القصص..

فيه الحكايا..

فيه السواليف الطويله،

فيه حبٍ قرر وغادر قفص..

أكتب لك...

من شوارع دوّنت كل ما حصل..

واللي نود إنه حصل..

كل رمشات العيون، وكل أحضان الجفون، وكل مسكة إيد، ومن كل بسمه لون...

أكتب لك لأني أشتاق...

يا طريق، ويا رصيف، ويا شوارع...

يا ظروفي.. ويا سكوتي.. ويا قدر..

يا أحلى طيّات العمر..

لحظة.. تلتقي فيها الأيادي، والشفايف، وكل بسمات البشر..

أكتب لك ..

لحظه ننتمي فيها لبعض..

ونتمنى ينتهي فيها العمر..

بس تظل فيها الأيادي والشوارع والرصيف..

بس يظل فيها الطريق... للأبد يصبح قدر..

يصبح عنوان الأحباب..

واللقا ما له أسباب..