بالسلامه ... على وين؟

وماخذ أشعار السنين..

وين أبدفن هالحنين..

وين أنا ووين المسافه

يا حسافه..

خلتني وراحت لمين؟

بالسلامه... وما على وجهي إبتسامة

ما بقى غير الإهانه..

غصات.. آهات.. ورده ريحتها خيانه

وحمامه تغني أنين..

بالسلامه.. يا كل رعشات الفرح

يا سبب كل مشوار..

يا من بصدري إنشرح

ضي بدرٍ في النهار..

آه لو بيدي إختيار..

كان إنتهينا من قبل لا نبتدي

على أمل ما نلتقي..

وتكون اشعار السنين.. مكتوبة

وتظل لذات الحنين.. محفوظة

مو لك، لكن لمين؟

بالسلامه..

ما بقى غير الحمامه..

وبصوتي أغرّد أنين